Deklarata e Dodik për Serbinë e Madhe, reagon Rama

Kryeministri Edi Rama ka reaguar pas deklaratës së kreut të republikës Srpska, Dodik i cili tri ditë më parë tha në këtë shekull “serbët duhet ta kenë një shtet të vetëm”, pjesë të së cilit, sipas tij, duhet të jenë edhe Kosova, Mali i Zi dhe Bosnje Hercegovina.

Përmes një statusi në platformën X, Rama shprehet se është i befasuar nga mungesa e reagimit të deritanishëm nga partnerët tanë të BE-së lidhur me këtë deklaratë të cilën e cilësoi të rrezikshme dhe nxitëse

“Kanë kaluar tre ditë që nga deklaratat e rrezikshme dhe nxitëse kundër Bosnje-Hercegovinës, Kosovës dhe Malit të Zi. Duhet të rrëfej, jam i befasuar nga mungesa e reagimit të deritanishëm nga partnerët tanë të BE-së dhe sinqerisht shpresoj që kjo heshtje të thyhet sa më shpejt!” – shprehet Rama.

LEXONI GJITHASHTU:

• Rama batuta me kampionin e karatesë: Ëndrra e çdo vjehrre, por vajzën e kemi të zënë
• Dodik: Rusia mbetet një nga partnerët strategjikë të Republika Srpska