Deklarata e Dumanit| Basha: Sulmet e politikës inkurajojnë krimin të kërcënojë SPAK

Kreu i Partisë Demokratike, Lulzim Basha, ka reaguar në lidhje me deklaratat e drejtuesit të SPAK, Altin Dumani, se krimi i organizuar ka kërcënuar familjen e një prokurori të Prokurorisë së Posaçme.

Përmes një postimi në rrjetin social facebook, Basha shpreh mbështetjen e Partisë Demokratike për SPAK.

Kreu i PD dënon dhe sulmet politike ndaj organit të akuzës, pasi sipas tij është politika që me deklaratat e saj inkurajon krimin e organizuar të bëjë të njëjtën gjë.

“Deklarata e kreut të SPAK-ut se krimi i organizuar ka kërcënuar familjen e një prokurori është një kambanë alarmi që duhet të na shqetësojë të gjithëve.

Çdo sulm i politikës ndaj sistemit të drejtësisë, nuk bën gjë tjetër vetëm se inkurajon krimin e organizuar të bëjë, gjithashtu, të njëjtën gjë.

Ndaj Partia Demokratike e Shqipërisë dhe unë i kemi dhënë dhe vijojmë t’i japim SPAK-ut dhe organeve të reja të drejtësisë mbështetje pa kushte.

Vetëm një drejtësi e pasulmuar nga politika, do të jetë një drejtësi e duhur për të mirën e njerëzve.

Vetëm një drejtësi që i shërben shqiptarëve, është një drejtësi imune ndaj çdo kërcënimi”, thekson Basha.

LEXONI GJITHASHTU:

• Kreu i SPAK: Krimi i organizuar ka kërcënuar familjen e një prokurori
• “SPAK ka pavarësi totale”- Dumani: Ndryshuam filozofinë e kërkimit të provës
• Dumani me studentët: Thyerja e mitit të pandëshkueshmërisë e vështirë, jo e pamundur