Deklaratat e Thaçit nga Haga, reagon Rama: Shumë e vërtetë, Komandant

Kryeministri Edi Rama ka reaguar sërish në mbështetje të ish-Presidentit të Kosovës, Hashim Thaçi, i cili ndodhet në paraburgim në Hagë për akuzat nga Gjykata Speciale.

Kryeministri e ka shoqëruar postimi ne tij me nje foto ku Thaçi shfaqet me një mesazh:

“Unë jam i privuar përkohësisht, por populli im është i lirë përjetësisht.”

Ndërkohë që Rama shkruan:

“Shumë e vërtetë, Komandant. Çka s’është as e lirë dhe as me erë të mirë është drejtësia ndërkombëtare”, ka shkruar Rama.

Postimi i Ramës vjen pas deklaratave të Thaçit, i cili mbrëmë në një intervistë me shkrim për mediat kosovare tha se Shqipëria është në drejtimin e duhur dhe sipas tij Rama po bën historinë europiane të shqiptarëve.

“Shqipëria sot, është në drejtimin e duhur, e destinuar të ketë të ardhme të sigurt perëndimore. Edi po e transformon dhe emancipon Shqipërinë dhe shqiptarët. Edi po e bën historinë evropiane të shqiptarëve”, u shpreh Thaçi për mediat kosovare.

LEXONI GJITHASHTU:

• Thaçi telefonon Ramën një ditë pas zgjedhjeve, kryesocialisti: Prekëse
• “Edhe 100 komandant”, Rama uron Hashim Thaçin për ditëlindjen