Delegatja rinore në OKB tregon bisedën me kryeministrin holandez

Ania Sauku, delegate rinore në OKB, tregoi për “Good morning Albanians” çfarë i kishte bërë më shumë përshtypje nga takimi me kryeministrin holandez, Mark Rutte.

“Ka qenë një takim shumë i bukur që është organizuar si një tavolinë e shoqërisë civile, dhe unë kisha fatin dhe përgjegjësinë që të prezantoja perspektivën e rinisë shqiptare. Zoti Mark Rutte ishte shumë, shumë i interesuar,” – tregoi Sauku.

Ajo tha se kryeministri holandez e pyeste vazhdimisht se si ishin të rinjtë në Shqipëri dhe delegatja vazhdimisht i përçoi jo vetëm problematikat, por dhe format se si gjendet zgjidhja dhe përballimi i situatave të vështira në vendin tonë.

Sipas Saukut, sfida më e madhe që diferencon rininë shqiptare me atë holandeze është padyshim emigrimi, që rinia europiane nuk e ka shumë të theksuar edhe për shkak të kushteve social-politike.

LEXONI GJITHASHTU:

• Kosova nuk do të hyjë në OKB si Palestina, thotë Daçiç
• Alarmi i OKB për klimën: Bota nuk po bën sa duhet kundër ngrohjes globale
• Alarmi i OKB për klimën: Bota nuk po bën sa duhet kundër ngrohjes globale