Dënimin i FIFA-s ndaj Serbisë për fyerjet kundër shqiptarëve, reagon FFK

Federata e Futbollit së Kosovës ka reaguar në lidhje me vendimin e FIFA-s për të dënuar Serbinë me 50 mijë franga për thirrjet fyese të tifozëve në ndeshjen ndaj Zvicrës në Katar 2022.

Përmes një reagimi zyrtar në facebook, Federata e Futbollit të Kosovës ka mirëpritur dënimin e dhënë prej FIFA-s dhe thekson se ajo do të denoncojë çdo rast kur përdorem sjellje fyese ndaj popullit të saj.

FFK nënvizoi gjithashtu se FIFA, ka marrë në konsideratë të gjitha ankesat dhe vërejtjet e saj drejtuar Komisionit Disiplinor të FIFA-s.

“FFK në vazhdimësi, sa herë që ka sjellje të tilla josportive dhe fyerje në drejtim të Kosovës dhe popullit të saj, që bien ndesh me rregullativën e FIFA-s dhe UEFA-s, do të reagojë në këto instanca me argumente e dëshmi dhe bazuar në aktet normative, ngase veprimet e tilla, të kujdoqofshin, janë kundër vlerave që përçon dhe promovon futbolli dhe si të tilla duhet të ndëshkohen”, ka shkruar FFK në facebook.

LEXONI GJITHASHTU

• FIFA dënon Serbinë për ofendimet ndaj Granit Xhakës dhe Xherdan Shaqirit
• “EURO 2024′, Granit Xhaka dhe Xherdan Shaqiri do luajnë kundër Bjellorusisë në Serbi
• Xherdan Shaqiri: Doja të shënoja edhe një gol ndaj Serbisë