Rusia ka vënë në shënjestër për bombardim depot e karburanteve në Ukrainë.
Ushtria e Ukrainës thotë se forcat ruse vazhdojnë sulmet me raketa në lagjet e banuara në të gjithë vendin, duke i fokusuar shënjestrat në depozitat e karburantit.
Ditët e fundit janë goditur depot e karburantit në disa qytete si kryeqyteti Kiev, Lviv, Rivne, Zhytomyr dhe Lutsk.
Ushtria ukrainase pretendon se njësitë ushtarake ruse po terrorizojnë popullsinë lokale në kryeqytetin Kiev, në qytetin Zaphorizhzhia në juglindje, Kherson në jug dhe Kharkiv në lindje duke plaçkitur, rrëmbyer dhe mbajtur peng civilë.
Këtë e raporton BBC, duke bërë me dije se megjithatë, nuk mund t’i verifikojë disa nga këto pretendime.
Megjithatë, faktike është se “disa civilë ukrainas po arrestohen pa arsye”.