Deputetët e PD përzënë Forcat Speciale nga Parlamenti: Zhdukuni që këtu!

Përplasje të ashpra fizike mes forcave speciale të ardhura befas para Parlamenti dhe deputetëve të PD janë regjistruar mesditën e së enjtes.

Tensionet u përshkallëzuan pasi protestuesit e mbledhur para Bashkisë iu bashkuan deputetëve të PD brenda rrethimit te parlamentit.

Kjo bëri që krahas gardës brenda rrethimit të Parlamentit të shfaqeshin dhjetëra forca speciale.

Deputetët Flamur Noka, Dash Sula Gazment Bardhi, Bledion Nallbati të përplaseshin fizikisht duke i shtyrë që të largoheshin.

“Dilni jashtë, si mund t’i çoni forca speciale deputetëve”, dëgjohet të bërtasin deputetët e PD.

Në pamjet e kapura nga operatori i Euronews Albania shihen punonjës të gardës që përpiqen të qetësojnë deputetë e opozitës.

“Po këta nga hynë, qetësohuni, do i nxjerrim ne”, dëgjohen të thonë punonjës të gardës brenda rrethimit të Kuvendit.

LEXONI GJITHASHTU:

• Deputetët e përjashtuar të PD tentojnë të hyjnë në Kuvend, përplasen me Gardën
• Kaosi në Kuvend, Agron Shehaj tërhiqet nga interpelanca për mbetjet toksike