Deputeti i PD debat me Kadillin: S’jam ushtar i Berishës unë, më vrave me atë që the

Politikani Fatbardh Kadili ka debatuar me deputetin e Partisë Demokratike, Asllan Dogjanin ndërsa ishin të ftuar në emisionin “Now me Erla Mëhillin” në Euronews Albania, në lidhje me bashkimin e grupimeve të Bashës dhe Bardhit.

Kadilli tha se kur rreshtohesh politikisht diku duhet të marrësh përgjegjësitë e atij rreshtimit, por Dogjani tha se ai nuk është ushtar i askujt, por është përfaqësues i atyre që e kanë votuar, ndaj ai do japë mendimin e tij për Berishën edhe në grupin parlamentar.

Pjesë nga biseda:

Fatbardh Kadilli: Ajo që po them është ta dëgjojmë mirë njëri –tjetrin. Kur ti rreshtohesh politikisht diku, duhet të marrësh përgjegjësitë e atij rreshtimi dhe duhet të dish se ku je rreshtuar. Nëse rreshtohesh në partinë e Sali Berishës.

Asllan Dogjani: Rreshtim mos e thuaj. Nuk jam ushtarë unë. Unë s’jam ushtar as i Sali Berishës dhe as i Lulzim Bashës, unë jam përfaqësues i atyre njerëzve që më kanë votuar dhe do bëj gjithçka për të mbrojtur interesat e tyre. Nuk është rreshtim ky. Më falë se të ndërhyra, por më vrau ajo fjala e rreshtimit. Po të isha rreshtuar unë do të isha tjetër kund, por nuk kam ndërmend të rreshtohem kund.

LEXONI GJITHASHTU:

• Sula replika me Çipën: S’do heshtim kundër Ramës pse u shpall “non grata” Berisha
• Vjosa Osmani i dorëzon Kadaresë dekretin e nënshtetësisë së Kosovës