Deputeti i PD: Është Rama, jo SPAK ai që kërkon arrestimin e Ahmetaj

Deputeti i Partisë Demokratike Luan Baçi tha në një intervistë për Euronews Albania se është kryeministri Rama ai i cili ka kërkuar arrestimin e Arben Ahmetaj e jo SPAK.

Ai tha se kryeministri e ka bërë të njëjtën gjë me të gjithë bashkëpunëtorët e tij dhe në mënyrë që sipas Baçit, të hiqte fajin nga vetja, kryeministri i ka hequr bashkëpunëtorët e tij nga postet ku ishin dhe ka përdorur parullën e “faji personal, jo kolektiv”.

“Kërkesa e SPAK për arrestimin e zotit Ahmetaj është një kërkesë që është bërë shumë herë më shpejtë nga zoti Rama duhet ta themi këtë nuk është kërkesë e SPAK është kërkesë e zotit Rama. Rama sa herë që ka gati ndonjë nga bashkëpunëtorët e tij për t’u arrestuar apo për të dalë para drejtësisë, masat paraprake i merr Rama.

I heq nga pozicionet politike nga kanë qenë, shkarkon përgjegjësinë e vetë me atë parullën e famshme, “çdo përgjegjësi është individuale dhe askush nuk ka përgjegjësi kolektive dhe që të gjithë e kemi ditur se do të vinte shpejtë dita kur do të bëhej arrestimi i Arben Ahmetaj dhe dalja e tij para drejtësisë”,-tha Luan Baçi.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Forumi mbi Nikotinën| Eksperti: Produktet që s’djegin duhanin, më pak të rrezikshme
• Nga 5 vjeç në klasë të parë, hapat që duhen ndjekur nëse refuzohet regjistrimi