Deputeti i PD-së: Do të kërkojmë statusin e gazetarit me projektligj konkret

Deputeti i Partisë Demokratike Luçiano Boçi tha për Euronews Albania se PD do të kërkojë projektligj për statusin e gazetarit.

Sipas tij në media nuk duhet të jetë fokusi te përplasjet brenda partisë demokratike, por te problemet kryesore dhe ngjarjet e rëndësishme.

“Do kërkojmë statusin e gazetarit me projektligj konkret sepse duke kërkuar që bëjeni, bëjeni ai nuk ka kohë se merret me agjencinë, merret me censurën, merret me policinë mediatike, merret me kthimin e përgjigjeve në Facebook, me përgjigjet e përdoruesve anonim siç i ka ngritur dhe nuk ka kohë që të bëjë një status për gazetarin me një projektligj konkret që do jetë pjesë e aktivitetit edhe të komisionit tonë, por edhe të forcës tonë përgjatë jetës parlamentare,” – tha Boçi.

Sipas tij ky aktivitet politik do të zhvillohet, por nuk mund të ketë efekt pa praninë e medias. Luçiano Boçi bëri thirrje për reagim nga media sepse vetëm nëse problemi merr vëmendjen e duhur nga vetë ata do të mund t’i gjendet dhe zgjidhja.

Në fund të bisedës, deputeti i PD-së tha se ka indicie që tregojnë se qeveria nuk ka hequr dorë nga ligji anti-shpifje dhe do bëjnë çmos për ta kthyer në fuqi.

LEXONI GJITHASHTU: 

• Agjencia për Media, Luçiano Boçi: Polici mediatike, do thërrasim në seancë dëgjimore përfaqësues nga Kryeministria
• “Reagoni, mos hiqni dorë nga liria e medias”, apeli i gazetarëve në Kosovë dhe RMV për kolegët shqiptarë