Ish-kryebashkiaku i Kamzës dhe deputeti aktual i Partisë Demokratike, Xhelal Mziu, është paraqitur në SPAK mesditën e kësaj të hëne.
Sipas burimeve të Euronews Albania, SPAK, po heton disa procedura tenderimi problematike në kohën kur Mziu drejtonte bashkinë e Kamzës.
Kjo është hera e dytë që Mziu paraqitet në Prokurorinë e Posaçme, pasi është paraqitur edhe më 27 korrik 2022.
Ai dha sqarime përballë prokurorit të Posaccëm Elvin Gokaj dhe agjentëve të BKH.
Në dalje të SPAK, Mziu mbajti dhe një deklaratë të shkurtër për media, ku tha se ishte thirrur në organin e akuzës si person në dijeni.
Ai deklaroi se çështja për të cilën u mor në pyetje kishte të bënte me një denoncim nga këshilltarët e PD, por pa dhënë shpjegime të mëtejshme.
“Ishte thjesht një denoncim nga këshilltarët e PD-së, në lidhje me një tender për pastrimin. Ka ndodhur në vitin 2019. Isha si person në dijeni”, tha Mziu.
LEXONI GJITHASHTU:
- Për më shumë se 2 orë në SPAK, Xhelal Mziu jep sqarime për lejet e ndërtimit
- Xhelal Mziu paraqitet në SPAK për kallëzimin e Rakip Sulit
