Derdhja e ujërave në rrugët e Gjirokastrës shkakton probleme në qarkullim

Rrjedhja e ujërave përgjatë rrugëve të shtruara me kalldrëm në qytetin e Gjirokastrës, në këto ditë me temperatura të ulëta krijon probleme edhe për lëvizjen e këmbësorëve.

Edhe pse ndërtimi i ujësjellësit të ri të qytetit ka mundësuar eleminimin e defekteve në rrjet, por kërkohet më shumë sensibilizim nga qytetarët për mirëpërdorimin e ujit me qëllim shmangien e akullit përgjatë rrugicave karakteristike.

“Apeli kryesor tani në këto ditë të ftohta por  qoftë edhe në ditët në vazhdim  është që ujërat e tepërta  apo ujërat që lajnë, apo ujërat që  përdorin zakonisht, apo ujin e pijshëm që përdorin nëpër çezma duhet që të tregojnë kujdes për të mos lënë hapur çezmat, mos ta keqpërdorojnë që këto ujëra mos të dalin në rrugë për arsye se shkak I ngricave bëhet  pengesë edhe për banorët e tjerë,” – u shpreh Arqile Puleri, inxhinier ujësjellës.

Strukturat përkatëse do të ndëshkojnë me masa administrative subjektet dhe banorët që keqpërdorojnë ujin, duke u kthyer në shkak të aksidenteve, në këto ditë të ftohta dimri.

LEXONI GJITHASHTU:

• Muzeu i armëve në Gjirokastër, 10 mijë turistë në 2022-shin
• Çatitë me pllaka guri, rikthehen elementët karakteristikë në shtëpitë gjirokastrite