Deri në 3 vjet burg për dhunuesen e të moshuarës në azil, thotë prokurori

Një grua e moshuar në një azil në Pejë është dhunuar brutalisht nga një vajzë e re, e cila rezultoi se është një infermiere në Shtëpinë e të Moshuarve.

Në pamjet e shpërndara në rrjetet sociale shfaqen së bashku me të renë edhe 3 vajza të tjera, ku njëra prej tyre është ajo që filmon gjithë ngjarjen e rëndë. Pas bërjes publike të pamjeve të rënda, Policia e Pejës ka arrestuar menjëherë 2 nga vajzat që dyshohen se kanë dhunuar të moshuarën.

Dorjan Juniku, prokurori i Pejës, i cili është duke u marrë me çështjen e rëndë që tronditi gjithë opinionin publik, tha në emisionin “Goodmorning Albanias” se vajza që shihet në video duke dhunuar të moshuarën, sipas kodit penal, rrezikon dënimin me burg deri në 3  vjet.

“Në kodin penal përcaktohet se sulmi ndaj viktimave të ndjeshme, siç është rasti në fjalë, maksimumi i dënimit është 3 vjet”, tha prokurori.

Ai sqaroi se nisur nga fakti që infermierja punon në një institucion privat, nuk mund të vlerësohet si person zyrtar. Nëse do të ishte e tillë, do të akuzohej për keqtrajtim gjatë ushtrimit të detyrës, shpjegoi prokurori.

LEXONI GJITHASHTU:

• E moshuara del nga azili ku u dhunua, dhëndri: Vuan nga alzheimeri
• FOTO/ Dy punonjëset dhunojnë të moshuarën në shtëpinë e pleqve në Kosovë