Dëshirë për protagonizëm në protestën për 11-vjeçaren, si lindi përplasja

Protesta e organizuar një ditë më parë në Tiranë në solidarizimi me Prishtinën kundër abuzimit të 11-vjeçares nga 5 burra në Kosovë pati edhe një debat protagonizmi mes disa personazheve të njohur të ekranit lidhur me organizimin.

Aktivistja Zhaklin Lekatari e ftuar në emisionin ‘Sot’ në Euronews Albania tregoi se në protestë e kishte ftuar Xheni Karai, e cila siç tha kishte përgatitur edhe mesazhet dhe parullat për protestën që ishte parashikuar të mbahen në orën 18:30.

“Bashkia më kontakton dhe kërkon një listë të shoqatës së grave në kryeqytet. Dhe kur i pyeta për çfarë u duhen, më thanë se disa vajza nga Kosova kanë shprehur dëshirën për të organizuar protestën në solidaritet me 11-vjeçaren. I thashë, mund të bashkohemi të gjitha dhe të mblidhemi në 6.30. Protesta e djeshme ishte dëshirë e qytetarëve të Tiranës, ndaj më vjen keq kur fokusi i kësaj proteste është solidarizimi kundër dhunës”, tha aktivistja.

Monika Lubonja, e ftuar në studion e ‘Sot’, sqaroi se bashkë me këngëtares nga Kosova Fifi kishte organizuar protestën, pasi kishte kontaktuar bashkinë dhe kishte marrë leje për sheshin ku do të organizohej protesta.

Ajo e cilësoi të pavlerë debatin se kush e organizoi, teksa theksoi se rëndësi ka që të mblidhemi kundër dhunës.

LEXONI GJITHASHTU:

• 11-vjeçarja u përdhunua në një park lojërash, detaje nga ngjarja tronditëse
• Përdhunimi i 11-vjeçares, banori i zonës: S’i njoh autorët, të frikësuar për fëmijët