Dëshmia në gjyqin ndaj Dervishajt dhe Meçajt: Pse s’e mbarove punën, do ta…

Në gjyqin ndaj Plaurent Dervishaj dhe Julian Meçaj, prokurori i SPAK, Adnan Xholi, lexoi deklarimet e një dëshmitari okular që ka parë automjetet që u përdorën në atentatin ndaj ish-prokurorit Arjan Ndoj dhe Aleksander Lahos më 1 nëntor 2019, ngjarje ku humbi jetën shoferi Andi Maloku.

Dëshmitari ishte thirrur në gjyq, por ai nuk është gjetur pasi është larguar nga territori shqiptar, ndaj prokurori lexoi deklarimet e tij të dhëna pas ngjarjes para oficerit të policisë gjyqësore.

“Dy makinat ndaluan dhe pashë që personat që dolën filluan të debatojnë. Njeri që kishte thikë në dorë i tha: ‘Pse s’e mbarove punën, do ta pres fytin të… robt’.”

Prokurori i SPAK, Adnan Xholi, lexoi edhe deklarimet e dhëna nga Aleksander Laho pas ngjarjes, ku ai mbeti i plagosur.

Edhe “Rrumi” nuk është gjetur për t’u thirrur si dëshmitar, pasi ai është person i shpallur në kërkim.

Çfarë tha “Rrumi” pas atentatit më 1 nëntor 2019:

“Para atentatit ishim për drekë me Arjan, Ndonjën dhe Enver Shaben, shok të tij. Kur u nisëm, kam parë një vajzë me emrin Lusi, që e njihja, në trotuar, e cila shikonte nga ne, dhe pastaj ajo hipi në një automjet me një zyrtar të Hipotekës.”

Plaurent Dervishaj: “Dëshmitarët duhet të vijnë në sallë të na shohin, a jemi ne ato personat tek Benzi.”

Për “Rrumin”, zoti prokuror, i beson asaj dëshmie apo jo?

Julian Meçaj: “Ç’punë kanë këto dëshmitarë me procesin tim, se nuk kuptoj.”

Plaurent Dervishaj dhe Julian Meçaj janë ndër personat që akuzohen nga SPAK për atentatin ndaj ish-prokurorit Arjan Ndoja.

Kujtojmë që më 1 nëntor të vitit 2019 një atentat me breshëri automatiku iu bë ish- prokurorit Arjan Ndoj pranë mbikalimit të Shkozetit. Ditën e ngjarjesProkurori Ndoja ishte në automjet me një person me precedentë penalë, të njohur si i “forti i Sukthit”,  Aleksandër Laho (alias Pëllumb Muharremi), i njohur si ‘Rrumi i Shijakut’, dhe me Andi Malokun, ish-punonjës i policisë në komisariatin e Krujës, shofer i prokurorit, i cili mbeti i vdekur.

LEXONI GJITHASHTU:

• “Pse ma vrave djalin”, babai i Andi Malokut përballet me Plaurent Dervishajn
• Plaurent Dervishaj ballafaqohet me Ndojën në GKKO, përmendet kryeministri