Dëshmitari i katërt në Hagë, çfarë pritet të ndodhë me ish-krerët e UÇK

Vazhdon në Hagë seanca gjyqësore ndaj Hashim Thaçit, Kadri Veselit, Jakup Krasniqit e Rexhep Selimit. Sot pritet të dëgjohet dëshmitari i katërt.

Në procesin gjyqësor kundër ish-krerëve të UÇK deri tani janë dëgjuar tre dëshmitarë të prokurorisë.

Dëshmia e tyre nuk është bërë e ditur për publikun dhe të njëjtit kanë dëshmuar nën masa mbrojtëse.

Ish-krerët e UÇK-së, për të cilët prokuroria pretendon se kanë kryer krime lufte, kanë qenë të pranishëm në sallën e gjyqit në Dhomat e Specializuara të Kosovës në Hagë.

Ata po gjykohen pas një procedure paraprake që ka zgjatur më shumë se dy vjet.

Gjatë krejt kësaj kohe, ish-presidenti Thaçi, ish-kryeparlamentarët Krasniqi dhe Veseli, si dhe ish-deputeti Selimi, po qëndrojnë në paraburgim në Hagë, ndërsa në paraqitjet e tyre para gjykatës ata janë deklaruar të pafajshëm.

LEXONI GJITHASHTU:

• Një tjetër dëshmitar kundër Thaçit. Çfarë pritet të ndodhë sot në Hagë
• A do të shkonte Ibrahim Rugova në Hagë? Anton Berisha zbulon se ç’do ndodhte