Detajet e panjohura të vrasjes së gjyqtarit, gazetarja: Tentoi të vriste sekretaren

Gazetarja e kronikës në Euronews Albania Sara Demushi, ka dhënë detaje të reja lidhur me ngjarjen e rëndë të ndodhur këtë të hënë, ku mbeti i vrarë brenda gjykatës Astrit Kalaja, nga autori Elvis Shkambi.

Demushi ka thënë për emisionin “Now”, me moderatore Erla Mëhilli në Euronews Albania, se autori ka tentuar të qëllojë edhe sekretaren, por nuk ka mundur, pasi sipas saj, nuk ka pasur më fishekë në armën që ka përdorur.

“Autori ka tentuar të vrasë edhe sekretaren, por nuk e ka kapur me plumba në ato momente dhe më pas nuk ka pasur më plumba të tjerë. Është larguar, dhe ajo që të bën përshtypje është se ai ka qenë i qetë. Komisariati nr. 1 është shumë pranë gjykatës, dhe ai i fton oficerët duke u thënë se është vetë autori. Ka qenë një vetëdorëzim i tij. Ka qenë një gjë e mirëorganizuar. Ka qëlluar me tre plumba në gjoks të gjyqtarit.”-ka thënë gazetarja Sara Demushi.

LEXONI GJITHASHTU:

• Vjen reagimi i parë nga familjarët e gjyqtarit të vrarë Astrit Kalaja: Ishte dritë
• Pas deklaratës së KLGJ-së për vrasjen e gjyqtarit, reagon Gazment Bardhi