Dhori: Edhe Partia Demokratike ka përgjegjësi për largimin e të rinjve

Deputetja e Partisë Demokratike, Ilda Dhori thotë se edhe forca politike në të cilën ajo bën pjesë, ka përgjegjësitë e saj për largimin e të rinjve nga vendi.

Në emisionin “RinON” në Euronews Albania, Dhori tha se plani i PD-së që u shpalos në zgjedhjet e 25 prillit 2021, ishte mjaft i mirë dhe mund ta kishte ndryshuar situatën.

“Edhe Fier, edhe Lushnja, edhe Divjaka po e vuajnë zbrazjen nga të rinjtë dhe është e dhimbshme. Personalisht, e shoh me shumë keqardhje. Plani është të ndryshojë sistemi, vetëm në këtë mënyrë. Unë nuk mund të pranoj që sot Partia Demokratike është në situatën më të mirë.

Plani i një viti më parë, mendoj që ishte më i miri. Por më pyetët për tani. Mendoj që do të kishte bërë diçka për të ndryshuar këtë sistem. Por padyshim që përgjegjësi shumë të madhe ka edhe opozita për këtë”, theksoi ajo.

LEXONI GJITHASHTU

• Petro Koçi sqaron përplasjen Braçe-Balla: Propozimi i Erionit ishte pozitiv
• Petro Koçi-Akil Krajës: Po vrisni edhe të vdekurit, jo vetëm të gjallët
• Petro Koçi për protestën e 6 dhjetorit: Fryma berishiste në PD është shumë e fortë