Dhuna me shkopa bejsbolli, Vishaj: Nuk ishte dhunë barbare siç thua ti

Avokati Saimir Vishaj tha në një intervistë për “Now me Erla Mëhillin” në Euronews Albania se dhuna e ushtruar ndaj fisit Maja nga fisi Rraja në Krujë nuk ishte dhunë barbare siç e cilësojnë.

Ndërkohë në një lidhje të drejtpërdrejtë për emisionin, Jashar Maja një nga të dëmtuarit e ngjarjes tha se nuk e kupton nga rrjedhin këto institucione, duke përfshirë këtu dhe mjekun ligjor i cili ka përcaktuar se dëmtimet i bënin Bujar dhe Jashar Majën të paaftë për punë për 9 ditë, por nuk i shkaktonin rrezik për jetën.

Rrjedhimisht anëtarët e fisit Rraja akuzohen për plagosje të lehtë me dashje dhe kanosje, por jo plagosje të rëndë siç u përcaktua fillimisht.

“Unë nuk di se ku duhet të ankohem dhe ku ta kiërkoj të drejtën time. Ai personi vdiq për një grusht atje në Vlorë. Unë dhe vëllai im mund të ishim të vdekur sot, kishte mundësi të ishim viktima,” – u shpreh Maja.