Dhuna ndaj tre shqiptarëve/ Policia e Malit të Zi: Janë identifikuar tre agresorët

Policia e Malit të Zi ka identifikuar tre persona të dyshuar, të cilët sulmuan dhe dhunuan tre shtetasit shqiptarë në rrugën kryesore të qytetit të Zelenikës.

Lajmin e ka bërë me dije Drejtoria e Policisë, ku ka njoftuar se sipas informacioneve që kanë, shkak i ngjarjes ka qenë një sherr në trafik, por pa dhënë detaje të tjera shtesë.

“Sot në orët e pasdites përmes telefonit është raportuar në shërbimin kujdestar të Departamentit të Sigurisë Herceg Novi se në rrugën kryesore në qytetin e Zelenikës ka ndodhur shkelje e rendit dhe qetësisë publike nga disa persona të panjohur. Policia dhe efektivët janë dërguar në vendngjarje ku kanë konstatuar tre persona, të gjithë shtetas shqiptarë, të cilët kanë pasur lëndime të dukshme, të cilët më pas janë drejtuar për të kërkuar ndihmë mjekësore. Policët kanë ndërmarrë veprime në kuadër të juridiksionit të tyre për të përcaktuar të gjitha rrethanat në të cilat persona të lënduar, dhe për të ndriçuar ngjarjen. ”, thuhet në njoftim.

Sipas mediave, tre persona nga Herceg Novi dyshohen si autorë të sulmit fizik.

Shqiptarët që ranë pre e dhunës janë Klodian Meaj, Azem Dervishi dhe Doris Kopaci. Ata kanë qenë duke lëvizur me një automjet me targa gjermane dhe befas janë sulmuar dhe dhunuar nga agresorët të cilëve deri më tani nuk u është zbuluar identiteti.

LEXONI GJITHASHTU:

• Rikthehen reshjet e borës në julglindje të vendit
• Me shenja dhune në fytyrë e trup, video e shqiptarëve që u sulmuan në Malin e Zi