Dhuna në Kuvendin e Kosovës, Osmani: Dëmi më i madh që i bëhet institucioneve

Presidentja e Kosovës, Vjosa Osmani ka reaguar pas dhunës që ndodhi sot në seancën plenare mes deputetëve të PDK-së dhe kabinetit qeveritar.

Osmani ka thënë se dhuna në Kuvend është dëmi më i madh që mund t’i bëhet institucioneve të Kosovës, të ndërtuara me shumë mund e sakrificë.

“Përdorimi i dhunës fizike si mjet për t’i adresuar pakënaqësitë, dallimet apo mosmarrëveshjet politike është dëmi më i madh që mund t’i bëhet institucioneve që janë ndërtuar me aq shumë mund e sakrificë.  Kuvendi është gurthemeli i shoqërisë sonë demokratike, ku zëra të ndryshëm bashkohen për t’i përfaqësuar interesat e qytetarëve, ndaj dhuna nuk ka vend në tempullin e demokracisë dhe nuk mund të shndërrohet në mjet politik. Duhet ta riafirmojmë përkushtimin tonë ndaj demokracisë, mendimit ndryshe, sikurse edhe respektit të ndërsjellë, duke u mbështetur në sundimin dhe respektimin e ligjit”, ka shkruan Osmani në Facebook.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Përplasja në Kuvendin e Kosovës, LDK: Instaluesit e dhunës nuk kanë të drejtë morale
• Deputeti i LVV: Përplasja fizike në Kuvend s’duhet të ndodhte, do i kushtojë Kosovës