Dhunimi i 3-vjeçares, Rumano: Sistemi nuk ishte ne gjendje te zgjidhte situatën

Avokati Gentian Rumano ka komentuar dhunimin e 3-vjeçares në kopshtin “Stinet” nga edukatorja, ku pati dhe fraktura në këmbë.

Në një intervsitë për emisionin “Review” në Euronews Albania, ai theksoi se sistemi në këtë rast nuk ishte ne gjendje të zgjidhte situatën duke shtuar se dhe në këtë ngjarje ishte media ajo që bëri publik rastin e rëndë.

Mes tjerash ai nënvizoi se policia duhet të ishte në gatishmërinë maksimale për ta identifikuar këtë çështje.

“Ajo që është për t’u evidentuar është se këtë rast nuk është se e zgjidhi sistemi por e zgjidhi ndërhyrja e medias. Ishte media  që bëri evidentimin dhe presionin e rastit. Pra sistemi nuk ishte në gjendje të funksiononte me të gjithë mekanizmat që ka. E mori shumë lehtë këtë situatë. Policia duhet të ishte në gatishmërinë maksimale për ta identifikuar këtë çështje. Fakti që u bë publike menjëherë dhe që pati një impenjim nga ana e medias dhe me një përkrahje nga ana e publikut, kjo nuk i jepte të drejtën policisë që ta merrte me një përshkallëzim kaq të ulët”-tha ai.

LEXONI GJITHASHTU: 

• Ish-kryeministri Italian: Marrëveshja për emigrantët është lojë e përsosur politike
• “Rexhepi drejtonte kartelin e nga burgu”, Loaiza: Gazetarët në Ekuador në rrezik