Dhunoi dhe tentoi të abuzonte seksualisht me motrën e tij, arrestohet 24-vjeçari

Një 24-vjeçar i cili dhunoi motrën e tij dhe tentoi të kryente marrëdhënie seksuale me dhunë me të në banesë, është arrestuar në Shkodërs.

“Në zbatim të planit të masave, të hartuar në kuadër të megaoperacionit mbarëkombëtar “Sundimi i ligjit”, për kapjen e shtetasve të shpallur në kërkim, si dhe bazuar në informacionet e siguruara nga inteligjenca policore, specialistët për Hetimin e Krimeve të Komisariatit Shkodër kapën dhe vunë në pranga shtetasin A. Q., 24 vjeç, pasi ka dhunuar motrën e tijë, dhe ka tentuar të kryejë marrëdhënie seksuale me dhunë, me të”,-thuhet në njoftimin e policisë.

Gjithashtu është arrestuar në Vaun e Dejës edhe një 23-vjeçar, pasi ka goditur me sende të forta një 24-vjeçar dhe i ka thyer xhamin e automjetit.

“Gjithashtu, në zbatim të planit të masave në kuadër të megaoperacionit “Sundimi i ligjit, shërbimet e Komisariatit të Policisë Vau i Dejës arrestuan shtetasin A. D., 23 vjeç, banues në Vaun e Dejës, pasi dyshohet se për motive të dobëta, ka goditur me send të fortë një 24-vjeçar dhe ka thyer xhamin e automjetit të tij. Gjykata e Shkallës së Parë e Juridiksionit të Përgjithshëm Shkodër ka caktuar për këtë shtetas masën e sigurisë “Arrest në burg”. për veprat penale “Dëmtime të tjera me dashje” dhe “Shkatërrimi i pronës””,-thuhet në njoftim.

LEXONI GJITHASHTU:

• Ekstradohet nga Korea e Jugut 50-vjeçari Ervin Shahini, i dënuar me burg përjetë
• U denoncua e zhdukur, arrestohen 2 persona për abuzim me të miturën në Kosovë