Dhunuan përmbaruesit gjyqësorë, arrestohen babë e bir

2 përmbarues gjyqësorë shkuan në një hotel në Librazhd për të ekzekutuar një vendim civil për dëmshpërblim.

Babai dhe djali i tij, pronarë të hotelit që gjendeshin brenda ambienteve, janë arrestuar pasi kanë dhunuar 2 përmbaruesit.

Njoftimi i policisë:

Pas marrjes së njoftimit se në ambientet e një hoteli në fshatin Mirakë, 2 shtetas kishin goditur me grushte, për shkak të detyrës, 2 përmbarues gjyqësorë, specialistët për Hetimin e Krimeve të Komisariatit të Policisë Librazhd kanë organizuar punën dhe kanë mbërritur në vendngjarje, me qëllim nxjerrjen përpara përgjegjësisë penale të shtetasve përgjegjës.

Për këtë rast u arrestuan në flagrancë shtetasit M. H., 50 vjeç dhe N. H., 24 vjeç (babë e bir), të dy banues në Elbasan, pasi dyshohet se për shkak të detyrës, kanë goditur me grushte 2 përmbarues gjyqësorë, të cilët kishin shkuar në ambientet e hotelit të 2 shtetasve të arrestuar, për të sekuestruar pajisje të këtij hoteli, në zbatim të një vendimi civil të vitit 2014, të Gjykatës së Elbasanit, me objekt dëmshpërblimin e shtetasve të tjerë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme, për veprën penale “Goditje për shkak të detyrës”.

LEXONI GJITHASHTU:

• “Maratona Enkelana” në Pogradec, mbi 700 pjesëmarrës. Akset që do bllokohen
• “Siguruan kushte për vrasje”| Akuzat ndaj zyrtarëve dhe të arrestuarve nga SPAK