Die Linke udhëzon gjermanët si të shmangin shërbimin ushtarak: Pini marijuanë

Partia Die Linke po përgatit një udhëzues të detajuar mbi mënyrat se si të rinjtë gjermanë mund të shmangin shërbimin ushtarak. Kreu i Die Linke, Jan van Aken tha se një nga këto mënyra është pirja e marihuanës para provimeve të shërbimit ushtarak.

Jan van Aken tha se partia e tij ka shumë përvoja pozitive për të ndarë me të rinjtë që thjesht nuk duan të detyrohen të veshin uniformë.

“Për shembull, thuhet se pirja e një cigareje të madhe me marijuanë para një ekzaminimi mjekësor mund të ndihmojë në shpalljen e dikujt të papërshtatshëm për shërbim,” tha ai.

Die Linke kundërshton fuqimisht planet e shërbimit ushtarak. Këto propozime nga Die Linke vijnë pasi koalicioni qeverisës i kancelarit Friedrich Merz arriti një marrëveshje mbi një program të ri shërbimi ushtarak vullnetar për të rinjtë, që synon forcimin e Bundeswehr-it, forcave të armatosura të Gjermanisë.

Propozimi, i cili ende duhet të miratohet nga parlamenti, thekson që të gjithë burrat e lindur pas vitit 2008 të vlerësohen për shërbimin ushtarak. Ndërsa programi fillimisht është menduar të jetë vullnetar, ligjvënësit mund të prezantojnë një masë të detyrueshme për të plotësuar vendet e lira nëse nuk ka mjaftueshëm vullnetarë.

LEXONI GJITHASHTU:

• Aeroporti i Vilniusit mbyllet përsëri për shkak të balonave të kontrabandistëve
• Kievi ndërton mini-centrale të fortifikuara për të siguruar energjinë elektrike