Diell dhe vranësira të lehta, parashikimi i motit për javën

Këtë javë moti do të jetë i qëndrueshëm dhe pa luhatje drastike të temperaturave.

Kështu ka bërë me dije Lajda Porja nga metoalb, në emisionin ‘Good Morning Albanians’  në Euronews Albania.

Ajo bëri me dije se gjatë javës do të ketë intervale të gjata me diell në të gjithë territorin, ndërkohë sipas saj parashikohet që pasditet të shoqërohet me vranësira të lehta dhe kalimtare.

“E gjithë java, duke filluar që nga sot parashikohet të jetë nën ndikimin e një anti-cikloni afrikan që ka përfshirë pjesën më të madhe të Gadishullit të Ballkanit, duke sjellë qëndrueshmëri të motit. Do kemi intervale të gjata me diell pothuajse në të gjithë territorit. Parashikohet që gjatë pasditeve të kemi vranësira të lehta dhe kalimtare.

Pjesa e dytë e javës do ketë pak më të dukshme, megjithatë mëngjeset do të jetë i freskët. Në zonat malore do të jetë 1, 2 gradë ndërkohë bregdeti dhe zona e ulët luhatet nga 7 deri në 10 celsius. Nuk do të ketë luhatje drastike të temperaturave nga dita në ditë”- tha ajo.

Porja tha se gjatë kësaj jave nuk do të bie borë.

LEXONI GJITHASHTU: 

• Kita Sallabanda: Po punohet për kapsulën që do të zëvendësojë vaksinën e COVID-it
• Të shtëna me armë zjarri në ndërtesën e banimit, 5 të vdekur në Kanada
• Mjeku bën apel për kujdes: Në janar pritet kulmi i rasteve me COVID-19