Kreu i Partisë Demokratike Sali Berisha prezantoi amendimet e grupit parlament të PD për buxhetin. Berisha tha se kryeamendamenti do jetë minimumi jetik prej 200 eurosh.
- Advertisement -
Amendimet e PD për buxhetin
- Rritja e pensioneve dhe pesëfishimin e fondit për rritjen e tyre, pra nga 16 mln euro në 80 mln euro.
- Trefishimi i fondeve për të përndjekurit politikë, (nga 1.2 miliardë leke në 4.2 miliardë lekë).
- Rritja me 1% të PBB-se të buxhetit të arsimit (dhe rritje graduale me 1% çdo vit derisa të arrijë në shifrën 5 për qind).
- Rritja me 1% te PBB-se të buxhetit të shëndetësisë (rritje graduale me 1% çdo vit gjer në shifrën 5 për qind).
- Rritje me 50% të fondeve për barnat e rimbursueshme (60 mln euro shtesë). Kanë hequr nga rimbursimi ilaçet jetike, sidomos për pensionistët dhe të tjerë.
- Pezullimi i menjëhershëm i të gjitha pagesave buxhetore për PPP-të në shëndetësi (përveç dializës).
- Rritja me 10% e pagave të gjithë administratës publike (përveç pagave të larta).
- Rritje me 20% të pagave të mësuesve dhe pedagogëve, mjekëve dhe infermierëve.
- Fondi për kërkimin shkencor rritet në 20 milionë euro.
- Rritja e transfertës së pakushtëzuar për bashkitë me një shtesë prej 130 milionë euro.
- Mbështetje e prodhimit vendas me 50 mln euro.
- Katërfishim i subvencionit për fermerët, blegtorët dhe agroindustrinë, nga 30 në 120 mln euro.
- Rritja jo më pak se 15 mln euro shtesë fondeve për Spitalin Onkologjik duke vendosur 10 për qind të akcizës.
- Përgjysmimi i shpenzimeve operative të qeverisjes qendrore dhe vendore (pa cenuar shpenzimet jetike, të sigurisë dhe vendimet gjyqësore të formës së prerë).
- Trefishimi i fondeve për mirëmbajtjen e rrugëve.
