Diskutimi për administratën zgjedhore, Celibashi: Duhet një përbërje hibride

Administrata zgjedhore dhe përbërja e saj ishin në qendër të një tryezë të organizuar këtë të martë nga KQZ dhe OSBE, ku morën pjesë palët politike, por edhe institucione ndërkombëtare që merren me monitorimin e zgjedhjeve në Shqipëri.

Gjatë tryezës, komisioneri shtetëror i zgjedhjeve, Ilirjan Celibashi deklaroi se eksperienca e viteve të fundit ka treguar se një depolitizim total i administratës zgjedhore në të gjitha nivelet është i vështirë, pasi sipas tij partitë politike nuk do të pranon rezultatin e zgjedhjeve.

Për nënkryetarin e PD, Oerd Bykykbashi, komisionet në zgjedhje, dhe në tërësi administrata zgjedhore do duhet të vijoj të mbetet bipartizane siç ka qenë deri më tani.

Sakaq, përfaqësuesja e PS në këtë tryezë, Elena Xhina u shpreh se KQZ por edhe aktorët politik duhet të investohen më shumë në drejtim të trajnimeve për administratën zgjedhore.

Në këtë tryezë ishte i pranishëm edhe një përfaqësues i Komisionit të Venecias, Sasa Zagorc i cili në fjalën nënvizoi rëndësinë që ka administrata zgjedhore e pavarur për zgjedhjet e lira.

LEXONI GJITHASHTU:

• Vota e diasporës, Celibashi: S’ka rrezik dështimi, partitë të zgjidhin problematikat
• Financimi i paligjshëm i partive, Celibashi: KQZ nuk mund ta kontrollojë