Dita e Verës, Begaj: Mbarësi, begati e gëzim sjelltë kjo festë në familjet shqiptare

Presidenti Bajram Begaj, ka uruar shqiptarët për “Ditën së Verës”.

Në një postim që ka bërë në rrjetet sociale, Begaj ndau elementet tradicionale të kësaj feste, e cila kremtohet në të gjithë vendin për të lajmëruar ardhjen e pranverës.

Kreu i Shtetit risolli në vëmendje mënyrën se si kjo festë pritej në vendlindjen e tij në të gdhirë të datës së 14 Marsit, kur fëmijët lajmëronin ardhjen e stinës së pranverës.

“Në fëmijërinë time, 14 Marsi niste me të vegjlit që shpërndanin në çdo shtëpi një plis me grurë të sapombirë, degë ulliri dhe degë lule kumbulle. Kjo bëhej për të uruar një pranverë të begatë, të paqtë dhe të gëzuar. Mbarësi, begati dhe gëzim sjelltë kjo festë në çdo shtëpi shqiptare”, shkruan Presidenti në profilin e tij zyrtar në Facebook, ku shpërndau edhe një video me simbolin e “Ditës e Verës” së fëmijërisë së tij

LEXONI GJITHASHTU:

• Vejvoda: Për dinarin duhet zgjidhje kompromisi
• Agron Gjekmarkaj zbulon kërkesat: Çfarë i kërkuam mazhorancës në tavolinë