Ditët e Kujtesës 2024| “Kujtesa në të ardhmen: ruajtja e historisë pa dëshmitarë”

Instituti për Demokraci, Media dhe Kulturë dhe Fondacioni Konrad Adenauer organizuan edicionin e 9-të të Ditëve të Kujtesës, që këtë vit organizohen në datat 20–26 shkurt 2024.

Aktiviteti i cili përkon me 33-vjetorin e rrëzimit të shtatores së të ish-diktatorit Enver Hoxha, nën moton “Kujtesa në të ardhmen: Ruajtja e historisë pa dëshmitarë”, synon të sjellë në vëmendje, sfidat e jashtëzakonshme të ruajtjes dhe të përcjelljes së historisë, kur dëshmitarët okularë sa vijnë e pakësohen, ndërsa nesër nuk do të jenë më.

Pjesë të ceremonisë ishin edhe përfaqësuesit e instituteve më të rëndësishme të cilat mbështesin nismën dhe kontributin e IDMC-së. Ceremonia u hap nga znj. Jonila Godole dhe u pasua nga fjala e ambasadorit Europian në Shqipëri Silvio Gonzato.

Eventin e përshëndeti edhe Lek Tasi, ish i përndjekuri politik i cili mes të tjerash thekson se lufta nuk ka pushuar asnjëherë.

Në kuadër të “Ditëve të Kujtesës” u shfaq gjithashtu dokumentari, “Stalini–jeta dhe vdekja e një diktatori” nga Martin Hübner, Jürgen & Daniel As.

LEXONI GJITHASHTU:

• Muzeu i Dëshmisë dhe Kujtesës/ Viti 2023 shënoi numrin më të lartë të vizitorëve
• Muzeu i Dëshmisë e Kujtesës në Shkodër, 2023 shënoi numrin më të lartë të vizitorëve