Djegia e pallatit, eksperti: Duhet rregulluar ligji për mbrojtjen nga zjarri

Zjarri masiv që perfshiu pallatin fare pranë qendrës së Tiranës ka rikthyer vëmendjen në çështjen e sigurisë së banesave. Në këtë pallat ku një meter katror shitet mbi 2000 euro, shtrohet pyetja sesa të sigurta janë këto ndërtesa dhe a e justifokojnë çmimin, që prej vitesh tashmë vetem rritet.

Sipas ekspertit Markel Baballëku, cilësia e dobët e materialeve të përdorura ishte një nga faktorët kyç që çoi në përhapjen e shpejtë të zjarrit.

Në një intervistë të dhënë për Euronews Albania, ai theksoi se materialet e përdorura nuk e izolonin zjarrin por e përhapnin atë duke lëshuar gazra të rezikshme për banorët.

Eksperti theksoi se ligji për mbrojtjen nga zjarret është i përgjithshëm dhe duhet detajuar më tej mbi parametra sasiorë.

“Kërkesa për mbrojtjen ndaj zjarrit është ndër më të koklaviturat për të përmbushara. Ne në linja të përgjithsme i kemi të shprehura por kur vjen te parametrat sasiorë ne kemi elementë të cilët nuk mund t’i masim. Ne na mungojnë kushtet teknike për të paraqitur numra që e kemi bërë në letër, si është bërë në ndërtim dhe si është kontrolluar në fund”, tha eksperti.

LEXONI GJITHASHTU:

• Një ditë pas zjarrit, banorët në lot për apartamentet e djegura
• Zjarri në pallat/Inxhinieri: Mund të menaxhohej nëse zjarrfikësit do shkonin në kohë