Zjarri në pallat/Inxhinieri: Mund të menaxhohej nëse zjarrfikësit do shkonin në kohë

Inxhinieri Marjus Heqimaj tha se zjarri që përfshiu ditën e djeshme një pallat në zonën e “21 Dhjetorit” në Tiranë u përhap me shpejtësi.

I ftuar në Euronews Albania inxhinieri nënvizoi se zjarri do të menaxhohej nëse zjarrfikësit do të mbërrinin në kohë në vendin e ngjarjes.

Ai nënvizoi se çfarëdo materiali të përdoret, nëse autoritetet nuk shkojnë në kohë objekti do të digjet.

“Përhapja e zjarrit ishte në mënyrë shumë të shpejtë, duhet të presim një ekspertizë. Ai zjarr mund të menaxhohej nëse zjarrfikësja do të shkonte në kohë, administrimi dhe sistemi do të ishte gati. Ai u përhap sepse u vonua koha e reagimit. Çfarëdo materiali të përdorësh, nëse ti e zgjat në kohë do të digjet. Duhet një studim shumë i gjerë në lidhje me objektet qoftë informale, qoftë dhe të vjetra. Në shumë objekte, telat janë të shpërndarë, i dëmtojnë, dhe kjo bëhet shkak zjarri”-tha ai.

LEXONI GJITHASHTU: 

• Dëmet në pallatin që u dogj në Tiranë, policia ndalon banorët të shkojnë në banesa
• Drejtori i zjarrfikëses-inxhinierëve: Përdorni materiale rezistente ndaj zjarrit