Do ju ndihmojmë me integrimin, thotë ambasadori çek

Jemi gati të ndihmojmë Shqipërinë drejt integrimit sapo të marrim presidencën e Këshillit të BE-së, u shpreh ambasadori i Çekisë në Tiranë, Jaroslav Ludva gjatë një intervistë për Euronews Albania.

Ambasadori theksoi se Shqipëria dhe Maqedonia e Veriut i kanë bërë detyrat dhe se tani Bashkimi Europian duhet të bëjë hapin e parë, që quhet hapja e negociatave.

“Ka probleme se koha nuk është më e mira. Para 10 vitesh ishte ndryshe, për vendet e tjera. Shpresojmë që të bëhet e mundur këtë vit. Nëse jo, Republika Çeke merr presidencën (e Këshillit të Bashkimit Europian) vitin e ardhshëm, nga korriku, prandaj ne jemi gati të ndihmojmë”, tha z. Ludva.

Ai shtoi se për Shqipërinë dhe Maqedoninë e Veriut është mirë të çelen negociatat sa më shpejt dhe për këtë ka shpresa.

Të njëjtin qëndrim shprehu pak javë më parë edhe ambasadori i BE-së në Tiranë, Luigi Soreca, i cili nënvizoi se BE-ja duhet të mbajë premtimet për Shqipërinë dhe Maqedoninë e Veriut.

LEXONI GJITHASHTU:

• Ambasadori austriak: Në aspekt teknik, negociatat mund të hapen në çdo moment
• ‘Asnjë përmirësim në fushën e medias’, ambasadori austriak: S’duhet të ndërhyjë qeveria apo biznesi