“Do publikoj videot”- Arrestohet 43-vjeçari, mashtroi e i mori 23 mijë € emigrantit

Një 43-vjeçar është ndaluar nga policia e Tiranës, pasi përmes mashtrimit i ka marrë një shumë prej 23 mijë euro një shtetasi shqiptar jashtë vendit.

Policia bën me dije se 43-vjeçari, banues në Divjakë, i ka marrë shumën e parave 56-vjeçarit në Itali duke i premtuar se do t’i botonte një libër me poezi.

Gjithahstu 43-vjeçari akuzohet dhe për veprën penale “Përdorimi me keqdashje i thirrjeve telefonike”, pasi e ka kërcënuar 53-vjeçarin se do t’i publikonte në rrjete sociale disa video personale.

Materialet në ngarkim të tij i kaluan prokurorisë për veprime të mëtejshme hetimore.

“Sektori për Hetimin e Krimeve Ekonomike dhe Financiare, në bashkëpunim me Sektorin për Operacionet Speciale dhe Kërkimin në DVP Tiranë, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, ka finalizuar operacionin policor të koduar “Book”.

Gjatë operacionit u ndalua shtetasi B. F., 43 vjeç, banues në Divjakë, për veprat penale  “Mashtrimi” dhe “Përdorimi me keqdashje i thirrjeve telefonike”.

Ky shtetas dyshohet se, nëpërmjet mashtrimit ka përvetësuar shumën 23 000 euro nga një 56-vjeçar, banues në Itali, me premtimin se do ti botonte atij një libër me poezi. Gjithashtu, dyshohet se nëpërmjet disa videove personale e ka shantazhuar, duke i kërkuar para për mospublikimin e videove në rrjetet sociale”, thueht në njoftimin e policisë.

LEXONI GJITHASHTU:

• Sherr masiv mes të rinjve dhe efektivëve, polici qëllon me shkop gome qytetarin
• Shkoi të ndihmonte banorin për të ndërruar gomën, aksidentohet dhe vdes polici