Kryetari i Partisë Demokratike, Sali Berisha ka debatuar me analistin Andi Bushati në lidhje me zgjedhjet e ardhshme vendore.
Të ftuar në emisionin “Now”, Berisha u shpreh se kryebashiaku i Tiranës ka krijuar 1200 shoqata për të blerë vota, teksa shtoi se me kryeministrin Edi Rama nuk ka zgjedhje të lira.
Megjithatë, Berisha theksoi se nuk do të bojkotojë zgjedhjet.
“Ne po e ndjekim. Nuk ka zgjedhje të lira. Le t’i marrin, por do përgjigjen të nesërmen. Unë zgjedhje nuk bojkotoj. Po të jesh i sigurtë që në bashki nuk hyn. Çoj shqiptarët drejt votës së lirë”, tha kryedemokrati.
Ndërsa, analisti Andi Bushati iu drejtua Berishës duke i thënë se edhe pse e di se duke e ditur që nuk do të ketë zgjedhje të lira, berisha do e dërgojë PD-në si ‘cjapi te kasapi’.
“Do i lini t’i fitojë. Po shkoni në zgjedhje të pa lira. Atëherë nuk kemi garë më 14, kemi më 16 maj e mbrapa. Ta çoni PD si cjapi te kasapi”, deklaroi Bushati.
LEXONI GJITHASHTU
- “Veliaj ka krijuar 1200 shoqata për votat”, Berisha bën denoncimin e fortë
- “Demokracia do asgjësohet”, Berisha paralajmëron skenarin e Vietnamit
- Berisha tregon skenarin: Si do mundim Ramën
