“Do ta marr vajzën në kuti, të copëtuar”, flet babai i viktimës 28-vjeçare në Greqi

Një 28-vjeçare është zhdukur pas përplasjes së një treni udhëtarësh dhe një treni mallrash në afërsi të Larisës, në Greqi.

Babai i saj ka deklaruar për mediat greke se ka humbur çdo shpresë për gjetjen e të bijës dhe thjesht po pret ta marrë atë në një kuti të copëtuar.

“S’ka asnjë përditësim, jemi në pritje. Kam hequr dorë nga shpresa për ta gjetur të gjallë. Ne dhamë mostra të ADN-së dhe tani presim të na thërrasë policia. Nuk ja uroj as armikut tim më të keq këtë ndjesi,” – u shpreh i ati i 28-vjeçares së ndjerë.

Aksidenti tragjik hekurudhor la pas të paktën 57 viktima dhe qindra të lënduar.

Ka nisur procesi i identifikimit të viktimave, të cilat po i nënshtrohen procesit të verifikimit të ADN-së. Sa i takon të plagosurve, të cilët ndodhen në dy spitalet e qytetit të Larisës, situata rezulton nën kontroll.

Autoritetet helene bëjnë të ditur se përveç atyre pak pacientëve që ndodhen në repartet e terapisë intensive për shkak të gjendjes kritike, pjesa tjetër e tyre nuk është në rrezik për jetën.

LEXONI GJITHASHTU:

• 5 marsi ditë zie kombëtare në nder të viktimave të aksidentit tragjik në Greqi
• Aksidenti i trenave në Greqi, gjendet i vdekur futbollisti