“Do të kisha dashur ta bëja atë gjuajtje të fundit”, Trump rrëfehet për atentatin
Kandidati republikan për president, Donald Trump, ka rrëfyer në një intervistë në platformën X ngjarjen lidhur me atentatin e dytë të dështuar ndaj tij.
“Pra, isha duke luajtur golf me disa nga miqtë e mi. Ishte një mëngjes i së dielës dhe moti shumë i qetë, shumë i bukur. Gjithçka ishte e bukur. Ishte një vend i bukur për të qenë. Dhe krejt papritur dëgjuam të shtëna në ajër dhe mendoj se ndoshta 4 ose 5”, -tha Trump gjatë intervistës audio.
Ai shtoi se ishte një agjent i shërbimit sekret që e pikasi i pari të dyshuarin.
“Një agjent i shërbimit sekret kishte parë një tytë të një AK-47, e cila është një pushkë shumë e fuqishme. Personi filloi të qëllonte nga shkurret. Do të kisha dashur ta bëja atë gjuajtje të fundit, por thamë le të ikim nga këtu”, -rrëfeu me nota humori ish-presidenti amerikan.
Trump lavdëroi agjentët dhe një civil vigjilent për ndihmën në gjetjen e të dyshuarit, i cili u kap pas një ndjekjeje me shpejtësi të lartë.
Incidenti ndodhi në klubin ndërkombëtar të golfit Trump në West Palm Beach, rreth 15 minuta larg nga rezidenca e Trump në Florida, Mar-a-Lago.
I armatosuri u pa për herë të parë nga agjentët e Shërbimit Sekret, të cilët po mbikqyrnin fushën e golfit teksa ish-presidenti po luante.
Gryka e një pushke – e përshkruar fillimisht si një pushkë e stilit AK-47 nga Sherifi i Qarkut Ric Bradshaë – u dallua përmes shkurreve që rrethojnë fushën e golfit.
Në atë kohë Trump ishte rreth 272-557 m larg nga personi i armatosur.
LEXONI GJITHASHTU:
Seanca në Kuvend, rrëzohet interpelanca urgjente me kryeministrin Rama, e kërkuar nga Gazment Bardhi për protestën
Ndryshim në Komitetin Parlamentar të Stabilizim-Asociimit, largohet si anëtare Marjana Koçeku, kush e zëvendëson
Dy punonjës të 313-ës humbin jetën për shkaqe shëndetësore, reagon Drejtoria e Burgjeve
- 10:44 Vapa rekorde vë në provë gatishmërinë e Gjermanisë
- 10:43 Rama reagon sërish për protestën: Shëmbëlltyra më e zezë e alternativave politike të këtyre 35 vjetëve
- 10:41 Seanca në Kuvend, rrëzohet interpelanca urgjente me kryeministrin Rama, e kërkuar nga Gazment Bardhi për protestën
- 10:29 Ndryshim në Komitetin Parlamentar të Stabilizim-Asociimit, largohet si anëtare Marjana Koçeku, kush e zëvendëson
- 10:23 Kupa e Botës 2026, incidente në Hagë pas kualifikimit të Marokut ndaj Holandës
- 10:19 Dy punonjës të 313-ës humbin jetën për shkaqe shëndetësore, reagon Drejtoria e Burgjeve