Dodik shtrohet me urgjencë në spital në Beograd, pritet t’i nënshtrohet operacionit

Presidenti i Republikës Sërpska në Bosnje Hercegovinë, Milorad Dodik, i njohur për qëndrimet e tij të forta pro-ruse, është shtruar të dielën në një spital në Beograd për shkak të dhimbjeve akute.

Sipas diagnozës së parë, Dodik pritet t’i nënshtrohet një operacioni në ezofag dhe stomak pas përgatitjeve të nevojshme mjekësore.

Lajmi u bë i ditur nga kabineti i Presidentit të RS-së, ku përmes një komunikate zyrtare u konfirmua se Dodik është shtruar në spital për kujdes të mëtejshëm mjekësor, pas kontrolleve të kryera.

“Sipas diagnozës së parë, pas përgatitjeve të nevojshme do të bëhet një operacion në ezofagun dhe stomakun e presidentit Dodik. Publiku do të informohet me kohë për gjendjen shëndetësore të Presidentit të RS-së”, thuhet në komunikatën zyrtare.

Dodik u vizitua në spital nga miku i tij presidenti serb Aleksandar Vuçiç.

LEXONI GJITHASHTU:

• Dodiku takohet me Putinin në Kazan
• Shpallet rezultati i zgjedhjeve në Bosnjë, Dodik fiton bindshëm në Republikën Srpska