Studiuesi i marrëdhënieve ndërkombëtare, Kreshnik Osmani ishte këtë të shtunë në “Balkan Talks” me Franko Egro në Euronews Albania ku tha se tashmë Amerika është në fazën e implementimit të doktrinës Trump.
Ai tha se Marco Rubio i cili do të jetë edhe sekretari i shtetit në Amerikë në administratën Trump, do të jetë garanci si për implementimin e doktrinës së presidentit të zgjedhur, po ashtu edhe për mos lejimin e kalimit të saj përtej kufijve të lejuar.
“Vijmë sot te ajo që quhet doktrinë e re e shkollës dhe e politikës së jashtme amerikane, doktrina Trump. Ç’është doktrina Trump?
Zoti Rubio i cili është nga skifterët e të djathtëve në Amerikë është një garanci për implementimin e doktrinës Trump, por në të njëjtën kohë është një garanci që të mos e lejojë doktrinën Trump të shkojë përtej kufijve të lejuar.
Sepse natyra e Donald Trump, sipas të gjithë epiteteve që i kanë vënë studiuesit, është se ai është i paparashikueshëm, jo racional dhe jo koherentë shpesh herë”,-tha Kreshnik Osmani.
LEXONI GJITHASHTU:
- Qeveria holandeze shmang kolapsin pas dorëheqjes së ministres së Financave
- Kush janë 7 shqiptarët dhe 3 të huajt e arrestuar për laboratorët e kokainës
