Dokumenti/ “Leja shpërblyese” nga burgu që mori Beleri për të shkuar në Strasburg

Drejtoria e burgjeve miratoi lejen për Fredi Belerin për të marrë pjesë në Parlamentin Europian, për t’u betuar si eurodeputet.

Euronews Albania ka siguruar dokumentin e “lejes shërbyese” për Belerin për të ndjekur takimet në Parlamentin Europian nga data 15 deri në datën 20 korrik në Strasburg.

Beleri pritet të dalë nesër nga qelia, pasi leja për të nis që të hënën në orën 10:00.

“Pas kërkesës së të dënuarit Dhionisis (Alfred) Beleri për leje shpërblyese në funksion të ndjekjes së punimeve në Parlamantin Europian në datat 15-20 korrik 2024 në Strasburg, referuar Urdhërit të Drejtorit të Përgjithshëm nr. 733 prot, datë 04.06.2024 “Për përbërjen dhe funksionimin e Bordit të Monitorimit të dhënies së lejes shpërblyese dhe të veçanta për të burgosurit në IEVP” është dhënë leje shpërblyese për të dënuarin  Dhionisis (Alfred) Beleri nga data 15 korrik deri në 20 korrik 2024. Pas përfundimit të lejes pesë ditore, i dënuari Alfred Beleri do të kthehet në burgun e Fierit për të vazhduar kryerjen e dënimit, sipas vendimit të GJKKO” shkruhet në dokument.