“Dordolecët” e Vuçiç dhe Putin digjen në karnavalet e Kroacisë

“Dordolecët” e presidentit serb Aleksandër Vuçiç dhe presidentit rus Vladimir Putin u dogjën gjatë karnavalit të 211-të në Kaštel Stari në Kroaci më 13 shkurt.

“Zjarri” ishte pjesë e paradës që zhvillohet çdo vit në këtë pjesë të Dalmacisë, ku pjesëmarrësit djegin kukullat e personaliteteve të ndryshme.

Portali kroat Index ka shkruar për djegien e kukullave të liderit në rubrikën “Revista”. Në tekstin e tyre shkruhet se “trungu” i sivjetshëm përfaqësohej nga Vuçiç dhe Putin dhe përshkruhet se si ata “u ulën mbi gomarë me shprehje fytyre të zemëruar, e më pas u zhdukën në flakë”.

Vitin e kaluar, kukullat e presidentit kroat Zoran Milanoviç dhe kryeministrit Andrej Plenkoviç, të cilat u shfaqën në një aeroplan të rrëzuar, u dogjën në Kaštel Stari.

LEXONI GJITHASHTU:

• Biden letër Vuçiç, e inkurajon të bëjë kompromise me Kosovën
• Takimi Mitsotakis-Vuçiç/ Eksperti: Partneritet i vjetër, Turqia e ka dobësuar