Dorëhiqet avokati i Fredi Belerit, pritet të dalë dëshmitar

Është prerë urdhër-arresti për kandidatin e Koalicionit Bashkë Fitojmë, Fredi Beleri.

Gazetarja e Euronews Albania, Ebrieta Maçaj raportoi se avokati i Belerit, Bledi Dumani, ka dhënë dorëheqjen nga çështja që të dalë dëshmitar.

Avokati u shoqërua një ditë më parë në polici bashkë me Belerin dhe u lirua sërish.

Ndërkohë që bëhet me dije se avokati i ri që do të përfaqësojë Belerin në gjykatë është, Romarjo Meminaj.

Fredi Beleri u shoqërua nga policia e Vlorës dje pak pas mesnatës bashkë me tre persona të tjerë. Ditën e sotme është lëshuar urdhër-arresti ndaj Belerit i cili akuzohet për korrupsion aktiv në zgjedhje, i kryer në bashkëpunim.

Mbrëmjen e djeshme  kryeministri Edi Rama e ka akuzuar Fredi Belerin për tentativa për manipulim të votave dhe se ka angazhuar njerëz për të kërcënuar emigrantët shqiptarë në Greqi që të votojnë për të më 14 maj.

Rama foli edhe me emra kur tha se 2 personat që po kërcënojnë emigrantët se do iu grisin letrat greke janë Napolon Çakalli dhe Spiro Koka, të cilët i paralajmëroi se do merret personalisht me ta.

LEXONI GJITHASHTU:

• “U kap duke dhënë para për të blerë vota”, zbardhet urdhër-arresti për Fredi Belerin
• Mediat greke: Ministri i Jashtëm Dendias telefonon Ramën për arrestimin e Belerit