“U kap duke dhënë para për të blerë vota”, zbardhet urdhër-arresti për Fredi Belerin

Është firmosur urdhër-arresti për Fredi Belerin.

Kandidati i “Bashkë Fitojmë” akuzohet për korrupsion aktiv në zgjedhje, i kryer në bashkëpunim.

“Ky shtetas u kap në flagrancë në Himarë në 12 maj 2023 në bashkëpunim me persona të tjerë duke premtuat dhe dhëna shuma monetare personave të ndryshëm me qëllim blerjen e votës”, thuhet në urdhër-arrestin e prokurorisë.

Arrestimi i Fredi Belerit 2 ditë para zgjedhjeve të 14 majit ka sjellë reagime të shumta nga përfaqësues të politikës.

Kryeministri Edi Rama e cilësoi një sfidë për drejtësinë ndërsa kërkoi që të mos përziheshin deklaratat e tij kundër Belerit në këtë çështje. Një reagim ka pasur edhe nga Athina zyrtare, që ka dërguar ambasadoren greke në Tiranë në Ministrinë e Jashtme për të shprehur shqetësimin e saj lidhur me ngjarjen.

LEXONI GJITHASHTU:

• “U kap duke dhënë para për të blerë vota”, zbardhet urdhër-arresti për Fredi Belerin
• Dorëhiqet avokati i Fredi Belerit, pritet të dalë dëshmitar
• Arrestimi i Fredi Belerit, reagon policia e shtetit