Mediat greke: Ministri i Jashtëm Dendias telefonon Ramën për arrestimin e Belerit

Mediat greke kanë zbuluar detaje të reja në lidhje me zhvillimet më të fundit pas arrestimit të Fredi Belerit.

Protothema shkruan se ministri i Jashtëm grek, Nikos Dendias ka kontaktuar me kryeministrin e Shqipërisë, Edi Rama, në lidhje me arrestimin e kandidatit të koalicionit “Bashkë Fitojmë” për Himarën.

Protothema shkruan se ministri Dendias ka informuar dhe kryeministrin grek, Kyriakos Mitsotakis në lidhje me shqetësimin e partive politike të minoritetit grek në Shqipëri.

Në artikull përmendet gjithashtu dhe takimi në Ministrinë e Jashtme, i ambasadores greke në Tiranë Konstantina Kamitsi, mëngjesin e kësaj të premteje.

Kujtojmë se Beleri u arrestua në orët e para të mëngjesit ë kësaj të premteje në ambientet e jashtme të restorantit të tij në Himarë, ky dyshohet se është mbajtur nën vëzhgim nga prokuroria e Vlorës për shit-blerje votash.

LEXO GJITHASHTU:

• Ambasadorja greke takim në Ministrinë e Jashtme, shpreh shqetësimin për Belerin
• Arrestimi i Belerit, Dule: S’pati asnjë njoftim, urdhrin e dha Prokuroria e Vlorës
• “Shit-blerje votash”- Detaje nga arrestimi i Belerit, përfundon në spital shoqëruesi