“Dosja 4 vite në sirtarë”, Berisha: Narkotrafikanti u arrestua se do rikandidonte

Sali Berisha tha në konferencën e përjavshme me gazetarët se arrestimi i kryebashkiakut të Bulqizës Lefter Alla ëhstë mjë akt i mirëfilltë i drejtësisë politike. Sipas tij qeveria i ka pasur dosjet e kryebashkiakut që prej katër vitesh, por zgjodhi të vendoste drejtësi tani pasi Alla deklaroi se do të rikandidonte në zgjedhje pa e pyetur partinë.

“Kandidatët e shpellës apo të dajakut, janë kandidatët më të përçmuar. Siç e shikoni nuk dalin dot te qytetarët. Ndiqeni fushatën e Erion Velisë, nuk shihni qytetarë por vetëm figurantë dhe truke televizivë. Të tjetrët nuk duken fare. Ata që kundërshtojnë arrestohen brenda orëve. Narkotrafikanti i Bulqizës i kishte dosjet palë-palë prej katër vitesh.

I denoncuar për vjedhje monstruoze në ndërtimin e rrugëve. Vjedhje të tjera me radhë e me radhë e nuk i futej gjëmb në këmbë. Përkundrazi drejtësia politike e Edi Ramës e ekzoneronte edhe nga thithja e kokainës në lokale duke pretenduar se nuk dihej nëse ishte ky apo një tjetër.

Në momentin që deklaroi se do të kandidonte dhe nuk do pyeste partinë pas 5 orësh ju vunë hekurat dhe kjo u srvir si një akt i drejtësisë së pavarur, në fakt është një akt i mirëfilltë i drejtësisë politike e cila për 4 vite mbajti në sirtar dosjet e tij dhe në momentin që ai kërcënoi partinë se do kandidojë e arrestuan”, -tha ish kryeministri Sali Berisha.