Dosja e Ahmet Zogut në komunizëm, studiuesi zbërthen detajet

Studiuesi Erald Kapri thotë se ligji i dosjeve i miratuar në Kuvend nuk ka të bëjë me hapje të dosjeve pasi ato janë të hapura, por e bën të pazbatueshme këtë gjë.

Në emisionin Now në Euronews Albania, Kapri u shpreh se fakti që ndalohet publikimi i dosjeve nuk e ndihmon aspak çështjen.

Si biograf i Ahmet Zogut ai tregoi se prej 3 vjetësh ka bërë kërkesën të marrë dosjet e tij, por deri më tani ka marrë vetëm 20 për qind. Kjo, pasi sipas studiuesve Shqipëria nuk ka kapacitet dhe as arkiv.

“Unë jam biografi i Ahmet Zogut, kam marrë të drejtën nga familjarët të marrë dosjen e tij. Ka 3 vjet që kam bërë kërkesën dhe kam marrë më pak se 20 për qind, ndërkohë që ai është personi më i ndjekur.  Gjatë kohës së studimit kam marrë të plotë dosje nga CIA, nga arkivi në Beograd. S’ka kapacitet, nuk ka as arkiv. Bërja e këtyre ndryshimeve është për kakofoni politike”, tha Kapri.

LEXONI GJITHASHTU:

• “32 vite dhe flasim për dosjet”, Qafoku: Dokumentet duheshin publikuar që në ’90
• “Ky ligj nuk i hap dosjet”, Shehu: Lë dokumentet në dorë të anëtarëve të Autoritetit