Dosja e “grupit të drogës” në Drenovicë, GJKKO çon për gjykim 17 të pandehur

Pas më shumë se shtatë muajsh nga depozitimi i kërkesës së Prokurorisë së Posaçme, Gjykata e Posaçme vendosi këtë të premte dërgimin për gjykim të dosjes së 17 personave të akuzuar për kultivim të kanabisit në sera në fshatin Drenovicë të Beratit.

Vendimi u dha nga gjyqtarja Flojera Davidhi, e cila pranoi kërkesën e SPAK të paraqitur në janar të këtij viti.

Në mesin e të pandehurve janë shtetasit: Blerim Xheka, Sadetin Hasaj, Sidrit Bisha, Endriol Xheka, Jurgen Ujkaj, Suad Smakaj, Samoel Lushaj, Mirvaldo Disha, Hamdi Dyli, Arben Vrapi, Adiol Çifliku, Lulzim Bushataj, Mustaf Manej, Bashkim Mema, Edison Mema, Drita Mema dhe Izmire Mema.

Hetimet zbuluan se në aktivitetin e paligjshëm ishin të përfshira edhe 93 gra, të cilat punonin në serat e kanabisit, por për to SPAK shpalli moskompetencë, duke ia kaluar çështjen institucioneve të tjera të drejtësisë.

LEXONI GJITHASHTU:

• EMRAT/ Megaoperacioni First Day, 30 të arrestuarit dalin para Gjykatës së Elbasanit
• Megaoperacioni antidrogë në Elbasan, policia: 30 të arrestuar, 14 në kërkim