Dosja e SPAK, intrigat e “Rrumit” në Sky ECC: Dërgoji SMS anonime Ramës

Në dosjen e grupit të Aleksandër Lahos për tjetërsimin masiv të pronave në zonën bregdetare të Gjirit të Lalzit dalin të dhëna edhe për skema intrigash ndaj zyrtarëve të institucioneve.

Në një prej bisedave të siguruara nga Euronews Albania, “Rrumi” udhëzon vëllain e tij të arrestuar, Vullnet Muça, të njollosë tek kryeministri, përmes një SMS-je anonime, disa zyrtarë vendorë.

“Aleksandri dyshon se informacioni për pronat ka dalë nga brenda institucionit (hipotekës) dhe udhëzon Vullnetin që të dërgojë SMS anonime tek Artan Lame, Vangjushi dhe Rama, kundër një personi me emrin Lusi.

Gjithashtu, të shkruajnë edhe që Drejtori i Policisë Durrës është i lidhur me bandat. Në orën 20:04, Vullneti i ka dërguar Aleksandrit foto të një sipërfaqeje prone të identifikuar me numër 122/2. Rrumi i shkruan se ajo është kodra dhe nuk kanë çfarë t’i bëjnë,” thuhet në dosje.

Deri në këtë fazë të hetimit, SPAK ka sekuestruar rreth 250 mijë metra katrorë tokë të dyshuar të tjetërsuar me dokumente të falsifikuara, ndërsa verifikimet vazhdojnë për dhjetëra praktika të tjera.

LEXONI GJITHASHTU:

• “I japim 5 mln të motivohen pak”, bisedat e “Rrumit” në SKY për kadastrën e Durrësit
• Vëllai i ‘Rrumit’ të Shijakut kërcënon drejtorin e Spitalit, shoqërohet në polici