Prokuroria e Posaçme ka mbyllur hetimet dhe ka dërguar për gjykim biznesmenin Pëllumb Gjoka dhe 6 të tjerë të arrestuar në kuadër të operacionit Metamorfoza.

Avokati i Pëllumb Gjokës, Gurali Brahimllari, ish-gjyqtar i Gjykatës së Krimeve të Rënda tha në emisionin Review në Euronews Albania se gjithë procesi i hetimit lidhur me dosjen metamorfoza është i mbështetur mbi përgjimet, pasi kemi të bëjmë me ngjarje të ndodhura në 2019 -2021 kur ka qenë aktive platforma SKY ECC.

Ai u shpreh se përdorimi i këtyre përgjimeve që siç tregoi janë marrë përmes një pajisjeje që ka përgjuar gjithçka është në kundërshtim me ligjin dhe në shkelje të të drejtave të njeriut.

“Thelbi i provave që merren me letër-porosi ndërkombëtare është një, çdo provë që vjen për autoritetin gjyqësor shqiptar ka vlerë vetëm nëse nga verifikimi do dalë se provat atje janë marrë në përputhje me legjislacionin shqiptar. Letër-porosia e dërguar nga autoritetet tona gjyqësore ishte me konventën që është tradicional për të gjitha vendet e Këshillit të Evropës, jo të BE. Përgjigjja erdhi me konventën e OKB për luftën kundër trafikimi të drogës. Janë disa vendime të Gjykatës së Strasburgut që e ka thënë në mënyrë të qartë ku ka trajtuar çështjen e turqve e akuzuar për grushtin e shtetit të Turqi dhe gjykata ka dhënë disa vendime të jashtëzakonshme, një ndër to është që nuk mundet që shtetit të ndërhyjë për të mbrojtur diçka tjetër, mënyra si është vepruar në Turqi me platformën përgjuese ka minuar të drejtat e njeriut”, tregoi ish-gjyqtari.

LEXONI GJITHASHTU:

• Metamorfoza| SPAK sekuestron prona me vlerë 1 milion euro në Tiranë
• “Metamorfoza”, Pëllumb Gjoka ankimon në Gjykatë të Lartë vendimin e Apelit të GJKKO