Dosjet e Apelit nga 1 janari në Tiranë, avokati: Do rrisim tarifat

Bazuar në hartën e re gjyqësore, Gjykatat e Apelit në Shkodër, Vlorë, Durrës, Korçë dhe Gjirokastër do të mbyllen më datën 1 shkurt. Të gjitha dosjet penale e civile aktualisht po transferohen në Apelin e Tiranës. Ndërsa nëpër rrethe do të mbeten vetëm zyrat për depozitimin e ankesave. Në Gjykatat e Apelit ka nisur puna për transferimin e dosjeve dhe stafeve drejt Tiranës.

Në një prononcim për Euronews Albania, drejtuesi i Dhomës së Avokatisë në Shkodër, Anton Kosteri tha se ky vendim do të rëndojë mbi xhepat e qytetarëve pasi avokatët do të rrisin tarifat për kostot e transportit dhe shpenzimeve që u duhet të shkojnë në Tiranë.

“Ne jemi të detyruar të zhvillojmë ashtu siç e ka urdhëruar Këshilli i Lartë Gjyqësor.

Duke filluar nga dita e nesërme, të gjitha proceset do të gjykohen në Gjykatën e Apelit Tiranë. Pa diskutim që kjo të pasqyrohet në tarifa. Sot njerëzit e kanë kuptuar se gjithë kjo luftë e jona kishte një kuptim. Atëherë fatkeqësisht nuk e kuptuan, atëherë vetëm zëri ynë u dëgjua, zëri i pubklikut shumë pak. Por nga nesër, atyre u duhet të shkojnë në Tiranë për çështjet e tyre në Apel.

Tarifat normalisht do i rrisim, duke qenë në sinkron edhe me ato që ne do shpenzojmë për të shkuar në gjykatë. Kjo do të reflektohet në xhepin e atyre që duhet të marrin shërbimet e gjykatave”, tha avokati.

LEXO GJHITHASHTU:

• BE: Harta e re gjyqësore, përmirëson efikasitetin e gjykatave në Shqipëri
• Qoku: Harta gjyqësore është hartuar nga KLGJ-ja dhe Ministria e Drejtësisë